Thaenaaram | Tamil Obituary Notices | Remembrance Notices | Tamil Death Notices

பல்கலைக்கழக வாய்ப்புக் கிடைக்காத, பொருளாதார வசதி குறைந்த மாணவர்களும் பட்டப்படிப்புகளை மேற்கொள்ளும் பொருட்டு தேசிய பல்கலைக் கழகங்களுக்கு நிகராக கிழக்கு மாகாணத்தில் தனியார் பல்கலைக் கழகம் ஒன்றை அமைப்பதற்கான இலக்கை நோக்கி சீ.எம்.ரி. கெம்பஸ் பயணிப்பதாக அதன் தவிசாளர் ஏ.எம். ஜெமீல் தனதுரையில் குறிப்பிட்டார்.

கடந்த 20 வருடங்களாக இப்பிராந்தியத்தில் நம்பகத் தன்மையுடன் இயங்கி வருகின்ற இக் கல்வி நிறுவனம் தற்போது மலேசியாவின் மலாக்கா பல்கலைக்கழகத்துடன் கூட்டிணைப்பு செய்யப்பட்டு, தனது கல்விப் பணியை உத்வேகத்துடன் முன்னெடுத்து வருவதாகவும் அவர் சுட்டிக்காட்டினார்.

இந்நிகழ்வில் தென்கிழக்கு பல்கலைக்கழக பேராசிரியர்களான எம்.எச். தௌபீக், ஏ. ஜௌபர் போன்றோருடன் மேற்படி உயர் கல்வி நிறுவனத்தின் பணிப்பாளர்களான எம்.ஏ. நளீர், பி.எம். நளீம் முகைடீன் உள்ளிட்டோரும் கலந்து கொண்டிருந்தனர்.

நிகழ்வின் ஆரம்பத்தில் தேசியக் கொடியேற்றப்பட்டு, தேசிய கீதம் இசைக்கப்பட்டதுடன் நாட்டுக்காக உயிர்நீத்த படை வீரர்களுக்காக 02 நிமிட மௌன அஞ்சலி செலுத்தப்பட்டது.